"Babək-Linköping"
dərnəyinin tədbirindən raport
Noyabrın
3-də İsveçin Östergotland vilayətinin Linköping
şəhərində,"Babek Linköping" dərnəyin illik qurultayından keçən bir
ay müddətində görülən işlərə və qarşıdakı aylar ərzində hansı
tədbirlərin keçirilməsinə həsr olunmuş musiqili-mədəniyyət gecəsi
keçirildi.50-dən çox Güneyli və Qüzeyli həmvətənlərimizin
qatıldığı bu tədbirdə təkcə Linköpingdən deyil eləcə də
Mjölbidən,Norrköpingdən,Nyköpingdən,Skäningidən və ətraf
rayonlardan insanlar təşrif buyurmuşdular.Gecəni giriş sözü
ilə açan dərnəyin sədri
Aslan bəy Arablui
qonaqları
salamladıqdan sonra qarşıdakı görüləcək işlərdən danışdı.Daha
sonra dərnəyin maliyyə məsulları keçən iclasda nə qədər məsrəf
xərclədiyindən və nə qədər vəsaitin büdcədə qalmasından dərnəy
üzvülərinə məlumat verdilər.Dərnəyin hər bir üzvü şəffaflıq
şəraitində keçən bu hesabatdan razı qaldıqlarını bildirməklə
belə tədbirlərin hər ay təşkil olunmasını arzuladıqlarını
bildirdilər.Dərnəyin İdarə heyətinin üzvü,Afi sədrinin müavini
Rahim Sadıqbəyli tədbirə qatılan bütün həmvətənlərimizi AFİ
başqanı
Məmmədrza bəy Ağapurun adından salamladıqdan sonra
belə tədbirlərin tez-tez keçirilməsinin vacibliyini qeyd
etdi.R.Sadıqbəyli xüsusi ilə gənclərimizin milli ruhda tərbiyə
olunmasında bu cür gecələrin çox böyük əhəmiyyətindən
danışdı.Tədbir yerli müğənni
Urfan Həsənlinin ifa etdiyi qəlbə
yatan gözəl musiqiləri,tədbir iştirakçılarının milli
rəqslərimizi qol sallayib oynamaları və Azərbaycan mətbəxinin ecazkar
təamlarını dadmaqla sona çatdı."Babək-Linkıping"dərnəyinin
"21
Azər"hərəkatının ildönümünə həsr olunmuş növbəti tədbiri
dekabrın 8-nə təyin olundu.
"AFİ
təbliğat məsulu Pərvanə Urmulu"
 |
