2000-06-11
AZƏRBAYCAN FEDERASİYONU İSVEÇ (AFİ)-NİN ƏSASNAMƏSİ

§1 FEDERASİYONUN ADI
Yaranmış olan birliyimizin adı AZƏRBAYCAN FEDERASİYONU İSVEÇ (AFİ) olaraq seçilmişdir.

§2 FEDERASİYONUN TƏRİFİ

AFİ İsveçdə yaşayan azərbaycanlıların həmrəyliyi, milli mənəvi birliyinin möhkəmləməsi uğrunda çalışan ictimayi təşkilatdır. AFİ Siyasi, ideoloji və dini bağlılığı olmayan, açıqlıq prinsipləri və İsveç qanunları çərçivəsində çalışan demokratik bir quruluşdur. 

§3 (AFİ)-NİN AMACLARI

(AFİ):

1.Azərbaycan və onunla ilgili sorunları İsveç toplumu və quruluşlarına tanıtdırmalıdır.

2.Azərbaycan sorunları ilə ilgili, düşünsəl və bilgisəl yöndə çalışmalıdır.

3.Güney Azərbaycanda millətimizin demokrası, insan haqları və üz qədərini təyin etmə yolunda mücadiləsilə dayanışmada olmalıdır.

4.Quzey Azərbaycanda (Azərbaycan respublikasında) ölkə bütüvlüyü, bağımsızlığı, yurddaşlıq haqları, hüquq üstünlüyü və qanun hakimiyəti yönundə gəlişmələri dəstəkləməlidir.

5.Federasiyon İsveçdə yaşayan azərbaycanlıların, bu toplumuyla integrasiyasında çalışmalıdır.

6.İsveçdə fəaliyyət göstərən Azərbaycan dərnəkləri, və fəal şəxslər arasında işbirliyinin gəlişməsi vd davamına yardım etməlidir.

7.Federasiyon azərbaycanın qadınların siyasi ictimayi gəlişməsinə önəm vermdlidir.

8.Irqçılığa qarşı demokratik qurallar (qanunlar) çərçivəsində mücadilə etməlidir.

9.Mədəni, kütləvi fəaliyətlərdə gərəkən materialların əldə edilməsinə

çalışmalıdır.

10.Azərbaycan türkcəsini, İsveçdə, rəsmi ana dili kimi tanıtdırıb məktəblərdə

uşaqlara öyrədilməsini istəməlidir.

11.İsveç mediasından Azərbaycan türkcəsində proqramların yayılmasnı

istəməlidir.

12.Federasiyonun rəsmi dili Azərbaycan türkcəsidir. Sənədləri Azərbaycan

türkcəsi və isvdçcə olmalıdır. Təbliqat isə hər dildə ola bilər. 

FEDERASİYONUN TƏŞKİLATİ, İDARİ İŞ SİSTEMİ VƏ PRİNSİPLƏRİ

§4 ÜZVLÜK ŞƏRTLƏRİ

1.Federasiyonun əsasnaməsini qəbul etmək.

2.Qurultay tərəfindən müəyyən olan üzvlük haqqını ödəmək.

3.Federasiyona kollektivlər (dərnəklər, müstəqil iş orqanları) və tək şəxslər üzv olabilər. Qurultayda səs vermək üçün 3 ay öncədən üzv olmaq gərəklidir.

4.Tək üzvlərdən üzvlük anketinin doldurulması, kollektivlərdən isə bundan başqa nizamnamənin üzü, qeydiyat vərəqəsinin üzü və üzvlüyü dayir iclas protokolu istəlinir.

§5 ÜZV DƏRNƏKLƏR

1.Üzv dərnəklər İsveç qanunları üzərə, İsveç vergi qurumlarında yazdırılaraq,

rəsmiləşdirilməlidirlər.

2.Üzv dərnəklərin 16 yaşdan yuxarı ən azı 5 üzvü olmalıdır.

3.Üzvlərin sayısına gürə üzvlük haqqı ödənməlidir.

§6 ÜZV HAQLARI

ÜZVLƏR:

1.Federasiyonun seçkilərində iştirak edib, seçib və seçilə bilərlər.

2.Federasiyonun bütün işləri və programları haqqında söz haqqına malikdirlər.

§7 FEDERASİYONUN ORQANLARI

1- Qurultay

2- Baş komitə (BK)

3- Təftiş heyəti (TH)

4- Seçim qurumu (SQ)

§8 QURULTAY

1.Qurultay Federasiyonun, ildə bir yol keçirilməsi gərəkli olan, yüksək qərar alan orqanıdır.

2.Qurultay dərnək və münfərid şəxslərin nümayəndələri, baş komitə və təftiş heyətindən düzələr.

3.İllik qurultay, nümayəndələrin 3–də 2–sinin qatılması ilə rəsmi olaraq işə başlar.

4.İllik qurultaya çağırış 2 ay qurultaydan öncə üzv dərnəklərə göndərilməlidir.

5.Dərnəklər aşağadakı sayılar üzərə qurultaya nümayəndə göndərməlidirlər:

a) 3-5 üzvü olan iş orqanları və dərnəklər 1 nümayəndə

b) 6-10 üzvü olan dərnəklər 2 nümayəndə

c) 11-15 üzvü olan dərnəklər 3 nümayəndə

z) 16-21 üzvü olan dərnəklər 4 nümayəndə

d) 22-29 üzvü olan dərnəklər 5 nümayəndə

e) 30-38 üzvü olan dərnəklər 6 nümayəndə

d) 38-49 üzvü olan dərnəklər 7 nümayəndə

f) 50-dən çox üzvü olan dərnəklər 8 nümayəndə

Açıqlama:

Qurultayın ilk çağırışına qatılanların sayısı 3–də 2dən az olarsa, ikinci çağırışda üzvlərin %50+1–inin qatılması ilə qurultay keçirilə bilər.

İş orqanları:

Hər müstəqil iş orqanı ən azı 3 üzvü olunca, qurultaya 1 nümayəndə göndərə bilər.

Münfəridlər:  

Hər 5 nəfər münfərid qurultaya bir nümayəndə göndərə bilər.

§9 QURULTAYIN İŞİ

1.Baş komitənin illik raportunun dinlənilməsi və müzakirəsi.

2.Təftişçilərin raportunu incələmək.

3.Baş komitənin istefasını qəbul etmək.

4.Nümayəndələrin ünəri və tənqidlərinin müzakirəsi.

5.Əsasnamə haqqında danışıqlar və dəyişikliklərin təsvibi.

6.Federasiyonun illik iş planının müzakirəsi.

7.Baş komitə, seçim qurumu və təftişçilərin seçilməsi.

Açıqlama:

Baş komitənin yetkiləri (simətləri) qurultayda təsvib olmalıdır.

Önəri və qərarların qurultayda keçərli sayılması üçün nümayəndələrin %50+1-inin səs verməsi gərəklidir.

Üzvlük haqqının məbləğini qurultay qərar verir.

Qurultayın seçkiləri gizli olmalıdır.

§10 BAŞ KOMİTƏNİN İŞLƏRİ VƏ İXTİYARLARI

1.Qurultaylar arası dövrdə Federasiyonun yüksək idarə edici orqanı Baş komitədir.

2.Baş komitənin yetkiləri:

a) Başqan

b) Başqan yardımcısı

c) Yazı işləri sorumlusu

z) Sandıqçı

d) Inteqrasiyon sorumlusu

e) Kültür və təbliqat sorumlusu

d) Qadınlar və gənclər sorumlusu

f) İrtibatat sorumlusu

g) Təşkilat sorumlusu

3.Baş komitə əsasnamənin təyin etdiyi hədəflər üzərə çalışmalıdır.

4.Baş komitə 3 aydan bir öz gördüyü işlərlə bağlı Federasiyonun üzvlərinə yazılı bilgi verməlidir.

5.Baş komitə iş orqanlarının qurulması yolunda çalışmalıdır.

Açıqlama:

Baş komitə 7 sabit iki yedək üzvdən oluşur. Baş komitə seçkilərində aday olanlarnn ən çox səs alması gərəklidir.

Yedək üzvlər səs vermə haqqı olmadan Baş komitənin toplantılarında iştirak və çıxış edə bilərlər.

Bütün maliyyə sənədlərinə başqan ilə sandıqçı qol çəkmdlidirlər.

Baş komitə 5 üzvün səsi ilə bir üzvün məsuliyyətini dəyişdirmə və qurultaya qədər dondurma haqqına sahibdir.

 §11 TƏFTİŞÇİLƏR

1.Təftişçilər qurultaylar arası dövrdə Federasiyon və Baş komitənin işlərinə nəzarət edirldr.

2.Təftişçilər Baş komitənin toplantılarında səs vermə haqqı olmadan iştirak və çıxış edə bilərlər.

3.Təftişçilər qurultaya yazılı raport verməlidirlər.

4.Təftiş heyəti dərnəklərin üzv sayısını yoxlaya bilər.

5.Qurultayda 3 nəfər təftişçi seçilməlidir.

§12 SEÇİM QURUMU

Seçim qurumu Federasiyonun seçkiləri ilə ilgili, adaylar listinin hazırlanması və qurultaya çatdırılrması ilə sorumludur.

Açıqlama:

İllik qurultay seçim qurumunun aday ya adaylarını rəd edib yeni Baş komitə adayları təklif edə bilər.

Seçim qurumunun üzvü Baş komitə seçkilərində aday ola bilməz.

§13 FEDERASİYONUN GƏLİR QAYNAQLARI

1.Üzviyyət haqqları.

2.İsveç dövləti orqanlarının mali yardımı.

3.Federasiyonun yaratdığı gəlir verici işlər.

4.Başqa yardımlar.

§14 ÖZƏL QURULTAY

1.Özəl qurultay Baş Komitənin çağırışı və üzvlərin 50%+1-inin qatılmasıyla keçirilir.

2.Özəl qurultayın mövzusu bir ay öncədən üzvlərə çatdırılmalıdır.

3- Özəl qurultay yanlız qurultayı ilgiləndirən mövzu ilə məşqul olmalıdır.

§15 DİSİPLİN QURALLARI

Federasiyonun əsasnamdsinə sığmayan, dərnək və ya şəxslərin fəaliyyəti Baş komitə tərəfindən:

1.Uyarılmalıdır.

2.Üzviyyəti dondurulmalıdır.

3.Qurultay ya özəl qurultay qərarı ilə üzviyyətdən çıxarılmalıdır.

4.Federasiyonun imkanlarından şəxsi hədəflər üçün istifadə etmək və ya federasiyonun adına şəxsi proqram qabağa sürmək yasaqdır.

 §16 FEDERASİYONUN BAĞLANMASI

Dəyişik nədənlərə görə Federasiyonun bağlanması və ya fəaliyyətlərinə son verilməsindən söz edilə bilər.

1.Belə bir qərar yanlız qurultaya qatılanların 5–də 4–ünün istəyi ilə alına bilər.

2.Belə bir durumda Federasiyonun mali olanaqları Azərbaycan Ay Para Cəmiyyətinə bağışlanmalıdır.