Azərbaycan Federasyonu İsveç AFİ-yə doğma yanaşaq!

Hörmətli Mənsur bəy Cəsuroğlu,Internet səhifəsində şəxsi məsələləri yerləşdirmək və bu məsələləri Azərbaycan fəaliyyətinə gətirmək yalnız düşmənləri sevindirir.

Mən Rahim bəylə olan yazıları çox ciddi-cəhdlə dayandırılmasını sizdən xahiş edirəm.

Biz Azərbaycan Federasiyası olaraq vətənimizdən xaricdə iqtidar-müxalifət davasına girmədən vətəndaşlarımızın hüquqlarını müdafiə etməliyik.Bu sahədə İsveçə gələn yurddaşlarımızın keçmişindən,onların nədən vətəni tərk eləməklərindən asılı olmayaraq əlimizdən gələni əsirgəməməliyik.

Keçmişdə AZTV-də işləməyə gəldikdə isə yalnız qrur vericidir. AZTV bizim milli televiziyamızdr. AZTV dən dilimizi, mədəniyətimizi, tariximizi, mənliyimizi öyrənmişik və öyrənirik.

Hörmətli Mənsur bəy,AFİ(Azərbaycan Federasyonu İsveç)-yə isə doğma yanaşmanızı sizdən xahış edirəm.Siz səbəbi nə olursa olsun indiyə kimi AFİ-nin toplantılarına qatıla bilməmisiniz, amma buna baxmayaraq nədənsə tez-tələsik növbədən kənar qurultay çağırırsınız.Qurultaylar keçirməklə çətinlikləri aşmaq olmaz.Bir təşkilatçı kimi bunu siz yaxşı bilməlisiniz.Dünyanın harasında olmasından asılı olmayaraq Azərbaycan təşkilatları konkret iş görməlidirlər.Biz artıq öz içimizdə vurnuxmaqdan əl çəkib,vətənimizin xaricdə lobbiçiliyi ilə məşğul olmalıyıq.

AFİ İsveç normalarıyla yaranan,dünyada başda gələn fəal təşkilatlardandır.Artıq təçkilat bu il 10 illiyinə qədəm qoyub.Onu da nəzərinizə çatdırıram ki,hörmətli Mənsur bəy,AFİ ”təşkilat xatirinə yaranan” təşkilat deyildir. İsveçdə fəaliyyət göstərən bu təşkilatımız bu sahədə təcrübələri olan yurddaşlarımızın aylarla zəhmətləri və əməyi nəticəsində,eləcə də təşkilat sahəsində təxəssüsü olan isveçli alimlərin yardımı ilə yaranmış bir Federasiyadır.

Yarandığı bu 10 ildə AFİ çox keşmekeşli yollardan keçmişdir.AFİ-nin fəaliyyətində parlaq illəri və ağır günləri də olmuşdur.Ancaq ən ağir durumlarda belə yürddaşlarımızın əzmi nəticəsində təşkilatımız fəaliyyətini dayandırmamış əksinə gələcəyə daha da inamla addımlamışdir.Biz dəyərli yurddaşlarımızın təcrübə və bacarıqlarından istifadə edərək AFİ-ni, 10 ildə şərəfli yol keçmiş Azərbaycanımız yolunda durmadan çalışan bu Təşkilatımızı bu günkü çətin durumdan da çıxmasına əminik!

Biz heç bir zaman düşmənlərimizin sevinməsinə imkan verməyəcəyik!

Sayğılarımla

Səttar Sevigin

AFİ -Azərbaycan Federasyonu İsveç sədri.

+46707150117

settar_ss@yahoo.se

Stockholm 2008-02-14