görüşü. 

2008-ci il fevral ayının 21-də Stockholmda AFİ sədri Səttar Seviginin UNESCO-nun qərarı ilə hər il 21 fevral tarixində dünyada qeyd olunan Ana dili günü və 1992-ci ildə erməni-rus hərbi birləşmələrinin Azərbaycan rayonu Xocalıda XX əsrin sonlarında Azərbaycan xalqına qarşı törətdikləri misli görünməmiş soyqırımı ilə əlaqədar İsveç Xarici İşlər nazirliyinin Orta Avropa Şimali Afrika və İranda yaşayan xalqlar üzrə Deportamentinin səfiri Jonas Vendel və həmin deportamentin katibi Ulf Samuelssonla görüşü oldu. Bir saatdan çox davam edən ikitərəfli görüşdə Güney Azərbaycanda yaşayan soydaşlarımızın tarixi mücadilələrindən, onların zaman-zaman İranda hakimiyyətdə olan rejimlər tərəfindən əzilməsindən, Türk dilinin yasaq olmasından, Səttərxanın, Xiyabaninin və Pişəvərinin başçılığı ilə ayrı-ayrı dövrlərdə İranda baş vermiş inqlablardan və nəhayət 2006-ci il mayın 22 də başlanmış xalq etirazlarından və rejim tərəfindən indi də davam edən insanların təqiblərindən danışan AFİ sədri diplamatların nəzərini bu məsələyə daha da artıq yönəltməyə çalışdı.Səfirin “Azərbaycanda bu etirazlari yönəldən bir təşkilat varmı?”sualına Səttar bəy Azərbaycan xalqının sülhsevər və demokratik bir xalq olduğunu dilə gətirərək bildirdi ki, təssüff ki, belə bir hazırlıqlı təşkilatın Güney Azərbaycanında olmasına hər zaman İran rejimi tərəfindən qadağalar qoyulmuşdur.Amma bütün bunlara baxmayaraq xalq özü küçələrə,meydanlara çıxaraq etiraz səslərini bu gün də dünyaya yaymaqdadırlar. Hər il eramızın VIII əsrində ərəb istilaçılarına qarşı vuruçmuş Babək Xürrəmiinin ad gününü qeyd etmək məqsədi ilə milyonlarla insan Babək Qalasına yığışaraq öz istiqlalları uğrunda mübarizə aparırlar. 2004-cü ildə Iranın Azərbaycan vilayətində yerləşən Təbriz şəhərində UNESCO tərəfindən qəbul edilmiş ana dili günü qeyd olunmuşdur. Bundan əlavə, bir kongress keçirilmişdir və bu kongress zamanı BMT(Birləşmiş Millətlər Təşkilatı) ana dili haqqı üzrə qətnaməsinə əsaslanaraq birlikdə ana dili haqqını qazanmağa doğru mübarizəni davam etdirmək qərara alınmışdır. Kongress zamanı səslənən müraciətlər 4 dildə çap edilmiş və Iranın dövlət təşkilatlarına, BMT və UNESCO –ya göndərilmişdir. 

Belə mədəni fəaliyyətlərin qarşılığında isə tarixi Azərbaycan torpaqlarında Dünyada terrorist təşkilatı kimi tanınan və əsasən də Türkiyədə terror əməllərini həyata keçirən PKK təşkilatının dəstəklədiyi PJAK terror təşkilatı bu gün də fəaliyyət göstərir.

Səfir Jonas Vendel bir neçə dəfə İranda olduğunu və bu məsələlərin İsveç höküməti tərəfindən diqqətlə izlənildiyini bildirərək,insan haqqları sahəsində məsələləri araşdıracaqlarını da dilə gətirdi.

Söhbətin ikinci bölümü Dünyadakı münaqişə zonalarına həsr olundu. AFİ sədri Dünyadakı münaqişələrin sülh yolu ilə həllində istər Avropa Birliyi çərçivəsində, istərsə də öz təşəbbüsü ilə demokratik dəyərlərə söykənmiş İsveç hakimiyyətinin xüsusi rolunu qeyd etdi.AFİ sədri Azərbaycanın tərkib hissəsi olan Qarabağ münaqişəsinin sülh yolu ilə həllində yorulmadan çalışan İsveç hakimiyyətinə təşəkkürünü bildirərək zaman-zaman erməni terroruna tuş gəlmiş xalqımızın bu terrordan çəkdiyi əzaba və verdiyi məhrumiyyətlərə toxundu. 1992-ci ildə baş vermiş Xocalı qətliamından geniş söhbət açan Səttar bəy bu qətliamı erməni hərbi birləşmələri sovet-rus qooşunlarının tərkib hissələri tərəfindən törədildiyini diplomatların nəzərinə çatdırdı.AFİ sədri onu da qeyd elədi ki, Ermənistan Respublikasına bu sahədə Rusiyayla yanaşı dini mənsubiyyətinə baxmayaraq İran İslam Respublikası da yardım edir.İranda və Ermənistanda keşirilən seçkilərə toxunan S.Sevigin Azərbaycan xalqinin narahatlığını və bu seçkilərdən bizim xalqımızın müsbət nəticələr gözlədiyinə də inanmaq istədiyini dilə gətirdi. AFİ sədri onu da qeyd etdi ki,1993-cü ildən Azərbaycanın o zamankı prezidenti Heydər Əliyevin təşəbbüsü ilə elan olunmuş atəşkəs rejiminə baxmayaraq Azərbaycan torpaqlarının 20 faizi bu gün də işğal altındadır və artıq xalq cana doyub.

Sonda AFİ sədri Səttar Sevigin isveş və ingilis dillərində olan Güney Azərbaycanına aid çoxcildli sənəd və diskləri, ”Erməni terroru” adlı Azərbaycan Respublikasında çap olunmuş kitabı və bu terrordan bəhs edən diski diplomatlara təqdim etdi. Görüşdə AFİ təşkilat məsulu Rahim Sadıqbəyli də iştirak etdi.

AFİ sədr müavini Rahim Sadıqbəyli.

+46704402436

www.azfi.org 

rahim.sadiqbeyli@gmail.com