AFİ İH-nin 5-ci növbəti iclasının protokolu.

 

İştirakçılar :

1.Məmmədrza Ağapur AFİ sədri

2.Rahim Sadıqbəyli AFİ təşkilat məsulu

3.Səttar Sevgin AFİ ilişgilər məsulu

4.Nadir Hollenbrand AFİ maliyyə məsulu

5.Aslan Ərəbloui AFİ NTK sədri

Gündəlikdə duran məsələlər :

1.AFİ-nin bu günkü durumu,

2.AFİ-nin maliyyə vəziyyəti,

3.Cari məsələlər.

Gündəlik qəbul olunandan sonra NTK sədrinin ünvanına gəlmiş məktubla bağlı müzakirələr başladı.Məktub müəllifinin iddiasına görə AFİ başqanı və İH-nin ayrı-ayrı üzvləri Azərbaycan Respublikası XYAİDK (Diaspora Komitəsi) ilə qeyri şəffav əlaqələr yaradıb və yuxarıda adı çəkilən Dövlət Təşkilatından AFİ adına 5400 Avro məbləğində pul alınıb.Aslan bəyin AFİ sədri Məmmədrza Ağapura ünvanladığı suala cavabında M.Ağapur bunun heç bir əsası olmadığını və pulun 5400 avro deyil,ABŞ dolları olaraq AFİ başqanı kimi yox şəxsən özünün bu qurumdakı məmurlarla şəxsi münasibətlər nəticəsində aldığını və yeni dərnəklərin yaradıldığına sərf etdiyini bəyan elədi.

AFİ-nin indiki durumuna toxunan Səttar bəy İsveçdəki cəmiyyətlərin və təşkilatların AFİ-dən üz döndərmə səbəblərini aydınlatmaqla yanaşı AFİ-nin fəaliyyətini qeyri normal olduğunu və qənaətbəxş olmadığını dilə gətirdi.

Aslan bəy vurğuladı ki,bu gün İH-də vəzifələr dəyişilsin və növbəti qurultaya tam hazırlıqlı gedilsin.Rahim Sadıqbəyli öz məsuliyyətini Səttar bəyə verilməsi və AFİ-də katib vəzifəsnin yerinə yetirilmədiyini nəzərə alaraq bu səlahiyyəti boynuna götürməyi təklifi elədi.

NTK sədri Aslan bəy M.Cəsuroğlunun İsveçdə qeyri-sabit yaşadığını və iclaslara qatıla bilməməsini nəzərə alaraq, onun katib kimi vəzifəsinin IH tərəfindən dondurulmasi təklifini irəli sürdü. Irəli sürülən təklif IH tərəfinden qəbul olundu.M.Ağapur işlərinin çox olmasını və AFİ üçün artıq vaxt ayıra bilmədiyini söyləyərək AFİ-ni indiki vəziyyətdən qurtarmaq üçün istefa verdiyini və bu vəzifəyə Səttar bəyin namizədliyini təklif elədi.İH M.Ağapun isefaasını qəbul edib.Səttar Seviginin sədrliyini qəbul elədi.

AFİ NTK-sı 9-cu qurultaydan bu günə kimi Məmmədrza Ağapurun maliyyə cavabdehliyini saxlayır və maliyyə hesablarını təftiş edəndən sonra onu bu məsuliyyətdən azad edəcək.

 

Qəbul olunmuş qərarlar:

1. AFI IH-də vəzifələr dəyişilsin.
2. Rahim Sadıqbəyli öz vəzifəsində qalmaqla həmçinin AFİ katibi səlahiyyətini də icra etsin.
3. Məmmədrza Ağapurun istefası qəbul olunsun.
4. Səttar Seviginin AFİ sədrliyi qəbul olunsun.
5. Mənsur Cəsuroğlu katib vəzifəsindən azad olunsun.
6. AFİ İH sədri və üzvləri AFİ-dən uzaqlaşmış təşkilatlarla intensiv iş aparilsın.
7. Bu tarixdən etibarən AFİ-nin mədaxil və məxaric hesabları İH-nin qərarı əsasında müvafiq qəbz və sənədlərin qarşılığında aparılsın.

 

İclasın katibi Rahim Sadiqbəyli.

Zaman və məkan: 09.02.2008 saat 13.00-17.00 Linköping